Terrace in seaside (海運大廈)

營業中

休息中

2個人星期二晚市去食，差唔多坐滿但唔洗等位，總共叫左2杯野飲同2樣野食。唔知點解d侍應姐姐好中意堆埋同一個方向做野，要等運到趁佢地望向另一個方向先落到單，但佢地態度ok 既。出餐都算幾快，食物我本身諗住呢間野走打卡路線所以都預佢偏細。第一樣黎既係玫瑰醬大蝦扁意粉，辣味唔重，偏茄味多d，意粉份量正常偏少，算係不過不失。第二樣係芝士辣炒雞肉，佢係多汁果款辣雞，辣度可以話冇乜，上面鋪左少少略稀既芝士，雞大概有十細舊，仲有四條年糕仔。重點係，d雞真係好咸好咸好咸（重要事情要講3次）。我地特登齋試個汁同其他食材發現咸既係雞肉本人，因為好肚餓又唔想浪費食物所以焗住都食哂佢，咸到我埋單走都忍唔住同番個店員講你地碟野好咸。埋單四百幾蚊，其實係食唔飽，性價比極低，唔會encore。