影片
更多
2018-01-23
2882 瀏覽
身為屯門人，但平日喺屯門食晚飯嘅機會唔多，收工都夜，通常都喺旺角食完飯先番屋企，今日收早少少，可以同男朋友撐下枱腳。公司同事一早同我地提過呢間烤肉店，又話好食又話抵食，雖然位置唔算太方便，我都係喺新墟行過黎，原來比我想像中快。平日晚上，比我想像中多人，不過餐廳位置挺多，環境幾大，空間感十足想起我上次黎卓爾居已經係多年前同家人喺樓上飲茶。近門口位置有清酒、啤酒櫃，接著會見到自助調料區，有相當多選擇。座位以卡座為主，坐得舒適。餐牌供應烏冬、韓燒、火鍋等，價錢相宜，估唔到好似我地兩個咁大食都係食左三百蚊，認真性價比幾高點單採用平板電腦，幾方便。烤爐上放有隔油紙，食物冇咁容易燒焦，而且枱面上已放有搽過油嘅替換紙，好方便，唔熟手亦可以請店員代勞更換。決定食燒肉後，我地點單不久，店員就送上生菜、前菜幾碟，見枱面有孜然粉、海鹽，我都懶得去拎調料，用孜然粉燒肉，正。整體肉類全部質素都唔錯，而且睇番價錢一啲都唔貴，兩人用份量剛好，醃料調味唔會太重手，我地喜歡包菜食，油膩感大減。美國牛小排 $70牛小排有十多片，唔會太薄身，肉味估唔到都幾濃，加少少孜然粉，特別香，呢個價錢抵牛肉條 $42牛肉條厚身，口感豐
近門口位置有清酒、啤酒櫃，接著會見到自助調料區，有相當多選擇。座位以卡座為主，坐得舒適。
餐牌供應烏冬、韓燒、火鍋等，價錢相宜，估唔到好似我地兩個咁大食都係食左三百蚊，認真性價比幾高
點單採用平板電腦，幾方便。
烤爐上放有隔油紙，食物冇咁容易燒焦，而且枱面上已放有搽過油嘅替換紙，好方便，唔熟手亦可以請店員代勞更換。
決定食燒肉後，我地點單不久，店員就送上生菜、前菜幾碟，見枱面有孜然粉、海鹽，我都懶得去拎調料，用孜然粉燒肉，正。
整體肉類全部質素都唔錯，而且睇番價錢一啲都唔貴，兩人用份量剛好，醃料調味唔會太重手，我地喜歡包菜食，油膩感大減。
美國牛小排 $70
牛小排有十多片，唔會太薄身，肉味估唔到都幾濃，加少少孜然粉，特別香，呢個價錢抵
牛肉條 $42
牛肉條厚身，口感豐富，燒完肉汁保持，唔老唔韌。
牛仔骨 $30
男朋友一直好鐘意食牛仔骨，不過因為我唔係特別喜好，所以好少會食。
今日佢見30蚊就點左一份獨食，肥脂均稱，牛肉嚼勁十足，佢大讚好食
牛舌 $28
牛舌又係抵食之選，雖然佢開邊，而且唔似日式牛舌咁帶少少脂肪，但大大話話有8完整片，燒極都仲有，十分划算
墨魚仔 $28
墨魚仔醃得剛好，唔會太鹹，所以我都好快食完，份量唔會太多。
一起燒雞中翼 $28
雞翼又係抵食，食過咁多燒烤，第一次見28蚊有5隻，雞翼輕手醃過，我鐘意燒到燶燶地，加少少辣粉，好惹味。
雞軟骨粒 $32
雞軟骨粒份量不少，由於隔住油紙燒，火喉較易控制，唔會咁容易燒燶，幾脆卜卜，我諗起喺國內食嘅雞脆骨串燒。
凍檸茶 $15、汽水 $12
飲品選擇唔多，主要係汽水、茶啡。如果飲酒會有清酒、啤酒。
豆腐花（免費）
調料區附近有豆腐花限量供應，臨走前一定要食番碗啊，雖然免費，但做得一啲都唔馬虎，幾有豆香，幾滑溜架
張貼
