來發館粥底海鮮火鍋 (已結業)

Wtsapp收到呢張野。又約緊食飯。咁不如就食呢間試一試。基榮小學隔黎。坐巴士勁方便。電話要打好幾次先通。卜定黎有著數。例如是日就頭輪滿左要食九點半。粥底火鍋好似已經係好幾年冇食過。除左每年總會食一次既新九記自助生滾粥。一坐低只問你一句係咪粥底。咁當然係啦。而且其實全場都係。傳說中既蕃茄薯仔底未曾見到。九點半都幾餓。睇住煲粥水滾左成三個字。個海鮮盤終於都黎。四人以上係有八款海鮮。重點係堅新鮮。蝦蟹鮑魚聖子都係仲識郁既。等得值啦。啲蟹仲要多糕。掂啦。其他配料就合格。手打花枝丸夠彈可惜唔夠鮮。不過埋尾加埋個粥膽果碗粥真係好正。二舊水。絕對值得推介！