Running 燒 (已結業)

前排喺IG story見到朋友po左佢去呢間位於將軍澳Popcorn商場嘅燒肉餐廳「Running 燒」用餐嘅相好似好吸引，就inbox 問佢用餐體驗係點。雖然同呢位朋友唔算好熟，但平時見佢ig成日po食好西嘅相就知道佢係吃貨。朋友對餐廳嘅feedback非常正面，原來佢係回頭客，除左大讚肉類同海鮮選擇多同埋餐廳服務好之外，仲話之前都未有流水蝦缸！講到咁好，就一於book位試試佢！當晚去到餐廳，店員好有禮貌咁幫我地安排座位。餐廳幾闊落，而且油煙味唔會好重。另外，落單係用qr code嘅，個落單介面分類都好清晰，食物選擇好多！值得一讚嘅係餐廳係用食物件數黎計嘅，方便我地預每次下單嘅分量！至於蔬菜類就喺外面自助區任攞，選擇都幾多架。喺我地落單之際，店員攞左個冰桶同夾，原來係for我地捉啲流水大頭蝦用嘅！流水大頭蝦最近好流行，一直想試都未有機會，今次梗係要食返夠本！啲蝦喺個缸裏面仲游緊水，梗係新鮮啦！不過好似我呢啲新手捉嘅蝦時候要小心，因為啲蝦會跳架！用啲咁新鮮嘅蝦黎燒烤，味道梗係一流啦！俾大家睇下幾正～除左流水蝦呢個亮點，Running燒其他食物都好幾唔錯。我地牛肉、豬肉、雞肉、羊肉同海鮮