兄弟邦

營業中

休息中

呢一間餐廳，早餐做港式，午餐做日式，多元化到好切合香港呢一個社會。佢嘅早餐好特別，你可以揀蕃茄湯底或者忌廉湯底！我最鍾意就係蕃茄湯底配沙嗲牛肉意粉，佢嘅沙嗲醬特別濃，浸左落個湯都依然有沙嗲嘅餘香！而且你見到佢既外賣碗，比一般茶餐廳嘅大！早餐仲會配埋一塊香草麵包同埋炒滑蛋。塊香草麵包係用煎pan煎出嚟，並不是用焗爐，所以佢嘅牛油味更加出，但當然都相對地比較油。飲品方面，你可以加幾蚊轉鮮榨果汁，同時間，呢一間嘅咖啡都非常好飲，值得推介！呢個早餐大件夾抵食，有時我去到兩點都未肚餓㗎！不過堂食就要注意一下佢嘅抽氣扇有啲弱，所以一入門口就會聞到好大浸油煙同牛油味。