影片
更多
2016-04-15
8052 瀏覽
久仰大名高質韓國燒肉❤️聽講算係香港數一數二嘅最好味燒肉店！果然冇令我失望Yeah! 閒日七點鐘到，都唔洗等位，齊人即刻就入得。睇得韓劇多，一入店內會好有韓國氣氛😂因為座位、裝修都好似韓國嘅燒肉店😁 每張枱都有三碟小配菜，食完可以添加，尤其個泡菜😍辣得好過癮，而且好爽脆 每枱嘅爐邊都有三格，店員會為我地加入蛋漿，食完可添加，一邊係泡菜蛋，一邊係淨蛋，當燒緊肉時，爐嘅熱力會令蛋變熟，但個位有啲窄，有啲難(不)。 101護心肉 사래매기200g - 💰HKD150睇落平平無奇咁，唔洗燒好耐已經食得嫁喇！好香嘅味道！食落好多肉汁，肉質幾嫩，唔油膩，豬肉味幾重，用生菜包住好食好似健康啲(?)😂 105喜來五花肉配特製醬汁 서래삼겹살(특체양념) - 💰HKD120103五花肉 삼겹살150g - 💰HKD110分別就係有醬汁同冇醬汁，各有三塊五花肉，幾新鮮，唔會太肥或太瘦，食落一啲都唔靭，配撘生菜一齊食更佳，性價比都幾高🤗 201喜來烤肉 서래불고기 - 💰HKD130好好味所以要encore😤由多塊薄片砌成，砌成一朵玫瑰花，淨係外觀已經非常吸引！由於烤肉
久仰大名高質韓國燒肉❤️聽講算係香港數一數二嘅最好味燒肉店！果然冇令我失望Yeah!
閒日七點鐘到，都唔洗等位，齊人即刻就入得。睇得韓劇多，一入店內會好有韓國氣氛😂因為座位、裝修都好似韓國嘅燒肉店😁
每張枱都有三碟小配菜，食完可以添加，尤其個泡菜😍辣得好過癮，而且好爽脆
每枱嘅爐邊都有三格，店員會為我地加入蛋漿，食完可添加，一邊係泡菜蛋，一邊係淨蛋，當燒緊肉時，爐嘅熱力會令蛋變熟，但個位有啲窄，有啲難(不)。
101護心肉 사래매기200g - 💰HKD150睇落平平無奇咁，唔洗燒好耐已經食得嫁喇！好香嘅味道！食落好多肉汁，肉質幾嫩，唔油膩，豬肉味幾重，用生菜包住好食好似健康啲(?)😂
105喜來五花肉配特製醬汁 서래삼겹살(특체양념) - 💰HKD120103五花肉 삼겹살150g - 💰HKD110
分別就係有醬汁同冇醬汁，各有三塊五花肉，幾新鮮，唔會太肥或太瘦，食落一啲都唔靭，配撘生菜一齊食更佳，性價比都幾高🤗
201喜來烤肉 서래불고기 - 💰HKD130好好味所以要encore😤由多塊薄片砌成，砌成一朵玫瑰花，淨係外觀已經非常吸引！由於烤肉薄身，所以好快就會熟，雖然薄但係十分juicy,用黎配飯食又得，就咁食都十分美味❤️一碟大概有十塊
301大醬湯 차돌된장찌개 - 💰HKD68
個人覺得一般，水平中等，未算好好濃，但配料十足，用黎淘湯食飯都幾好😁
食燒肉點少得啤酒呢！我地4個人要左6杯MAX
622 MAX - 💰HKD50
唔係好大杯，味道偏甜嘅啤酒，好易入口，而且我諗酒精應該唔重，配烤肉真係好正👍🏻
當日為慶祝生日，所以我地拎左蛋糕去切，店員會幫我地雪住個蛋糕先。當日用餐時間為90分鐘，而蛋糕亦需於90分鐘內享用。
總結黎講，整體上價錢同質素成正比，性價比都幾高，烤肉肉類真係比其他烤肉店好好多！果然名不虛傳！加上服務、環境都十分不錯，絕對係香港高質烤肉店👍🏻
張貼
