LA Restaurant & Dessert Bar (已結業)

約朋友到旺角食一間性價比高嘅西餐，佢嘅午餐其實都幾平，唔使$100已經有一個餐，仲可以食到牛扒、羊架、牛舌等等，要喺出面食成$200先有一個嘅餐。餐廳行復古風，裝修都幾懷舊。每個餐都跟餐湯，今日係忌廉煙肉湯。黑椒豬手意粉好大隻豬手呀！而且佢嘅黑椒汁唔會好辣，但好濃，豬手肉又好多，啱晒我依個食肉獸！紅酒燴牛尾飯依間嘅汁做得唔錯，佢嘅牛尾亦都好冧！做好友口味，而且佢嘅筋都好彈牙！性價比極高！叫咗一杯芒果特飲同埋一杯奇異果特飲，兩杯都好清新，而且外貌100分，我同店員講叫咗少甜，令到果味更加突出，而且佢跟餐只係加$15 ，所以都幾抵㗎 ！我見到佢有威靈頓牛柳食，下次都會再嚟㗎 ！