壽司藝 (已結業)

有朋友介紹大坑開咗一間日本料理店，介紹餐廳性價比好高，價錢平之餘食物質素亦好好今次係第二次黎呢度食，都係食午市10款壽司，$300+10%，呢度午市分2個時段，我訂左12點至1點半。每次去食omakase都會訂sushi bar,可以睇到廚師為我地準備食物，估下佢下一道為我地準備啲咩。廚師又會介紹每一碟魚同食法，有咩問題可以即時問廚師。Omakase壽司由淡味到濃味咁上，一開始廚師會問有咩唔食，好細心第一件：左口魚，刺身好新鮮第二件：帆立貝 好厚肉 好鮮甜第三件：深海池魚 好好味第四件：牡丹蝦第五件：池魚 （個人比較喜歡深海池魚，但呢件壽司好令）第六件：炙燒左口魚 睇住廚師火炙條魚，魚油不斷咁滴，入口即溶，真係好正第七件：豉油漬拖羅 第一次食呢個，鹹鮮味道好特別第八件：海膽軍艦 永遠都咁好味第九件：三文魚子軍艦 三文魚子多到滿寫 好彈彈最後一件：吞拿魚蓉手卷 廚師先將紫菜烘一烘，再快速加上飯同吞拿魚蓉包起。魚蓉入面右左切碎嘅腌蘿蔔同埋大蔥，加上啱啱烘左嘅紫菜，外脆內軟，吞拿魚油出晒黎。十件壽司話咁快食完，壽司定食跟前菜加烏冬同埋生果/咖啡。魚生好新鮮，而且呢度服務都好好，不斷有人幫你加