A8's Cafe (已結業)

入到A8's Cafe，未食先比店入面既裝飾吸引。依加係12月初，不過Cafe入面已經好有聖誕氣氛。平安夜同屋企人食大餐又多一個好選擇。跟餐既迷你牛角包，好香又鬆軟，沾一點香草食味道一流。同樣跟餐既廚師湯，配料好多，帶點微辣相當開胃。蝦汁海鮮意大利粉，帶子同其他海鮮都好大粒。意大利粉好多汁，帶濃郁的鮮味，而且相當creamy。配菜蘑菇同蝦汁好夾，七十幾蚊跟本超值。香草燒澳洲羊鞍，香草味濃郁，一D都唔膻。薯角配燒汁相當惹味。主菜蜜糖芥未焗德國咸豬手，好大的一隻。豬手外皮燒的卜卜脆，內裡嫩滑多汁。豬手既濃郁油香響口入面久久不散，令人欲擺不能。蜜糖芥未醬不論沾豬手定係薯角都好夾。加上新鮮酸甜的菠蘿沙拉中和油膩，跟本係完美既配合!餐飲薄荷朱古力，味道幾得意，帶甜，隻杯好靚。總括嚟講呢間鋪頭性價比好高，Xmas 會同屋企人再食過。