姚姚酸菜魚 (屯門市廣場2期) (已結業)

最近去咗屯門姚姚酸菜魚再試香鍋，另外仲試咗片皮鴨、脆奶、無骨鳳爪等等！藤椒無骨鳳爪 微辣醬汁再配無骨鳳爪，一啖食哂好方便
而且醬汁好開胃又唔油，本身少少飽再食都無問題！
麻辣香鍋（雞軟骨、薯仔、四季豆、千葉豆腐、豬頸肉）一大鍋香鍋再加上好多配料，例如有辣椒、花椒、花生、芫荽等食配料已經夠開胃
雞軟骨同平時串燒果啲唔同，大大嚿又彈牙
薯仔夠惹味又乾身唔會太林
四季豆、千葉豆腐吸哂醬汁同配料香味，用黎伴飯一流
豬頸肉正常發揮，似港式果種豬頸肉，唔係泰式果種燒過
姚姚脆奶
炸鮮奶好少見，呢款炸粉薄又炸得乾身，唔會有油膩感覺
口感脆卜卜，外脆內軟

北京烤鴨（烤鴨半隻、川味鴨架）
片皮鴨鴨香十足，每塊皮都油脂十足，沾少少糖食已經好滋味
而片皮鴨肉質細嫩、肥瘦適中，包埋蔥花、青瓜配料再加上秘製醬汁，超滿足！
同套餐仲有川式鴨架，微辣又充滿鴨香，超開胃！原來而家做緊優惠，每日消費滿指定金額都會加送小食
星期四送豬手（價值$98），好軟稔又入味，即刻覺得抵食左！