影片
更多
2021-06-21
2002 瀏覽
朋友介紹觀塘1亞太中心有好抵食嘅海鮮火鍋放題， 夾啱時間拿拿臨book位。 時間尚早行完apm 去食火鍋啱啱好。任飲任食海鮮火鍋主要分兩段時間，五點半至8點和 8點後有八折優惠。 $238蚊起已經包括按人數供應時令海鮮拼盤， 雞煲，刺身，巨型水餃皇和特級安格斯肥牛肉～ 幾款任食放題重點食物都齊備～👍餐廳佔了全層，地方寬敞，冷氣充足。生猛海鮮， 也適合晚飯小菜。調味料區～ 基本醬料齊備。先來刺身拼盤， 賣相唔錯 ，整體新鮮。北寄貝好爽甜， 牡丹蝦勁大隻， 啖啖肉。最正係帆立貝刺身， 勁鮮甜， 可以媲美北海道帆立貝那種甜～ 三文魚夠鮮甜， 魷魚煙韌。食完刺生到雞煲， 熱辣辣一路煑一路伴勻醬汁， 香噴噴好惹味， 四個人大約半隻雞左右分量唔算好多啱啱好。湯底三選一，揀咗「沙地瓜瑤柱」， 清清哋配海鮮都唔錯。四人份量嘅海鮮拼盤十分注目。$268套餐 可以選龍蝦或蟹， 一致決定揀波士頓 龍蝦。唔好淥太耐，肉類很鮮甜， 龍蝦頭仲有少少蝦膏， 啖啖肉非常滿足！龍躉肉也非常讚， 厚切之餘仲要好多近魚皮部位， 勁多骨膠好彈牙！ 四人份量等於中菜一碟蒸頭腩了， 龍躉肉質結實魚味濃， 啖啖滿足！巨型帶子也是十
朋友介紹觀塘1亞太中心有好抵食嘅海鮮火鍋放題， 夾啱時間拿拿臨book位。 時間尚早行完apm 去食火鍋啱啱好。
任飲任食海鮮火鍋主要分兩段時間，五點半至8點和 8點後有八折優惠。 $238蚊起已經包括按人數供應時令海鮮拼盤， 雞煲，刺身，巨型水餃皇和特級安格斯肥牛肉～ 幾款任食放題重點食物都齊備～👍
餐廳佔了全層，地方寬敞，冷氣充足。
生猛海鮮， 也適合晚飯小菜。
調味料區～ 基本醬料齊備。
先來刺身拼盤， 賣相唔錯 ，整體新鮮。
北寄貝好爽甜， 牡丹蝦勁大隻， 啖啖肉。
最正係帆立貝刺身， 勁鮮甜， 可以媲美北海道帆立貝那種甜～ 三文魚夠鮮甜， 魷魚煙韌。
食完刺生到雞煲， 熱辣辣一路煑一路伴勻醬汁， 香噴噴好惹味， 四個人大約半隻雞左右分量唔算好多啱啱好。
湯底三選一，揀咗「沙地瓜瑤柱」， 清清哋配海鮮都唔錯。
9 瀏覽
0 讚好
0 留言
波士頓 龍蝦
10 瀏覽
0 讚好
0 留言
龍躉肉
4 瀏覽
0 讚好
0 留言
鱔片
3 瀏覽
0 讚好
0 留言
四人份量嘅海鮮拼盤十分注目。
$268套餐 可以選龍蝦或蟹， 一致決定揀波士頓 龍蝦。
唔好淥太耐，肉類很鮮甜， 龍蝦頭仲有少少蝦膏， 啖啖肉非常滿足！
龍躉肉也非常讚， 厚切之餘仲要好多近魚皮部位， 勁多骨膠好彈牙！ 四人份量等於中菜一碟蒸頭腩了， 龍躉肉質結實魚味濃， 啖啖滿足！
巨型帶子也是十分鮮甜👍 誤打誤撞都淥得啱啱好～ (經常淥完嘅帶子都好似香口膠咁～～)
鮮北寄貝是另一種食法， 鮮甜彈牙！
鱔片也是肥美鮮甜！
唯一不足嘅係有四隻巨型螺， 放湯後一會聞到好濃烈嘅味道 ～難以忍受， 把湯一併換走。
除了罐裝飲品， 也有自家製涼茶竹蔗茅根， 雪梨蘋果水， 健康滋潤又唔會好甜。
水餃皇
好大隻好多餡料。
特級安格斯肥牛
入口嫩滑，肉味香濃。
都差不多半飽，試了幾款任點的食物。
白蜆， 有大有細，冇沙鮮甜，食得過！
鴨血夠爽又滑👍
鱔片再encore因為真係好好味， 夠新鮮唔腥！
細細粒又好深色嘅係魚腐， 其貌不揚不過又幾有魚味～
午餐肉就必然要點～ 仲要係高質嘅午餐肉， 竟然最受歡迎要encore ！
1 瀏覽
0 讚好
0 留言
美國肥牛， 食咗咁多好嘢梗係覺得只係一般， 反而豚肉更加出色，有豬肉甜味。
有一盤排得好靚嘅蔬菜， 唐生菜 又嫩又夠甜。
今晚吃海鮮吃到飽， 超級滿足坐咗兩個幾鐘價錢唔貴又有好嘢食， 推介要帶海鮮控來呀！
張貼
