等你 _ _ (已結業)

筲箕灣東大街本來就食肆雲集～但一直唔覺有台灣菜，有日行過路經呢間台菜見價錢好似幾抵😎就去咗試下，後來再返左去試佢哋嘅刨冰 😛 宜家一次過講滷肉雞排飯 ❤️ ($53) + 滷水蛋 ($8) + 飲品 (+$10)評分：8/10.其實如果純粹講性價比應該有8.5分唔止。首先個飯咁樣嘅配搭只係$5X 真係好少有 (多數有雞排就冇肉燥，一系就雙拼嘅話貴$20 😅) 滷肉肥瘦好均勻，汁亦好多 + 少少漿口 😀 但有一個特別地方佢呢度嘅滷水汁都有陣薑醋嘅甜味。我自己都係鍾意食淨滷肉飯嘅味多啲。但有特色係真嘅，至今未食過咁樣嘅滷肉飯，有一種另類嘅層次。滷蛋見到好多刀紋 😂 覺得幾得意～估計係因為咁樣可以令滷水汁更加容易滲透入蛋入面。雞扒真係要俾90分!!! 超級厚肉，嫩滑，唔乾，同埋炸粉只係疏落咁鋪滿薄薄一層，唔會太過脆口而保留唔到肉原有嘅質地四種黑糖刨冰 ❤️ ($40)評分：7/10.本來覺得足料好驚喜 😍 因為刨冰中伏機會都幾大 (多少稀疏的冰淡而無味 💩) 不過呢啲反而就味道超級明顯但溶得真係太快。芋圓嘅份量真係好佩服佢哋可以俾得咁慷慨，亦都唔硬。仙草略嫌唔夠流質配料，但整體配料其實都冇問題的