Y Show Tasty (已結業)

同朋友經過厚福街，Walk-in左一間西餐廳，性價比都幾高。首先叫咗個牛油果蟹肉沙律，牛油果大大粒，蟹肉都夠多，味道正常發揮。然後叫咗個避風塘雞翼小食，雞翼夠香而且入味，份量都好多。一上到枱面已經被蒜香吸引住，平時出面食嘅蒜香意粉都係聞落去香，但係唔係太夠味，呢個意粉香得來又惹味，值得一試。羊架唔騷，好夠油香味，個配菜薯蓉好creamy。座位尚算闊落，店員服務都好好，整體來講係一間性價比幾高嘅西餐廳值得上嚟試吓。