影片
更多
2021-12-28
74 瀏覽
•壹.01係一間位於觀塘嘅台式小店～ 雖然話係小店，但佢哋都有30個座位左右，枱同枱之間又唔會太迫，加上呢次去食嘅時候係平日夜晚，唔算好多客人，所以都坐得幾舒服～佢哋食物嘅款式配搭都幾多， 而喺ig同Openrice見到最多人叫嘅頭兩樣係「芒果魯肉飯」同埋「0冰手作芋頭鮮奶」～ 但呢次我同朋友就無試到喇～😛有一樣值得一提嘅係，佢哋嘅碗碟就算堂食都係用紙碗紙盒即棄膠杯嚟上菜，實在唔太環保😥•🥢 蜜汁紫菜排骨飯 $60呢個排骨都炸得幾酥脆，就算排骨上面淋咗啲蜜汁，炸皮依然好脆身🤤 而且個炸皮都好薄，排骨嘅肉質都幾腍，仲保留到少少肉汁🤩 我落單嘅時候仲揀咗「多紫菜」，海量嘅紫菜真係夠晒撈飯😋 但其實排骨同白飯除咗有紫菜，仲有少少啲炒椰菜同埋台式嘅涼拌菜，都幾豐富！•🥢 薑蔥魯肉飯 $58朋友都幾鍾意薑蔥撈飯，所以專登落單時揀咗「多蔥」😛 魯肉嘅肉粒肥瘦適中，仲有少少冬菇粒～魯肉醬汁鹹味適中，入味得嚟又唔會太濕身，所以撈飯啱啱好😋 不過啲薑蔥都係比較生嗰種，而唔係中式燒味見到嘅薑蓉同蔥油，感覺就爭咗少少香味🤏🏼•🥢 熔岩蛋之戀 $39呢款其實即係「拉絲芝士火腿蛋餅」～ 個蛋餅皮好薄好酥脆，仲有
壹.01係一間位於觀塘嘅台式小店～ 雖然話係小店，但佢哋都有30個座位左右，枱同枱之間又唔會太迫，加上呢次去食嘅時候係平日夜晚，唔算好多客人，所以都坐得幾舒服～
佢哋食物嘅款式配搭都幾多， 而喺ig同Openrice見到最多人叫嘅頭兩樣係「芒果魯肉飯」同埋「0冰手作芋頭鮮奶」～ 但呢次我同朋友就無試到喇～😛
有一樣值得一提嘅係，佢哋嘅碗碟就算堂食都係用紙碗紙盒即棄膠杯嚟上菜，實在唔太環保😥
•
🥢 蜜汁紫菜排骨飯 $60
呢個排骨都炸得幾酥脆，就算排骨上面淋咗啲蜜汁，炸皮依然好脆身🤤 而且個炸皮都好薄，排骨嘅肉質都幾腍，仲保留到少少肉汁🤩 我落單嘅時候仲揀咗「多紫菜」，海量嘅紫菜真係夠晒撈飯😋 但其實排骨同白飯除咗有紫菜，仲有少少啲炒椰菜同埋台式嘅涼拌菜，都幾豐富！
蜜汁紫菜排骨飯
$60
4 瀏覽
0 讚好
0 留言
蜜汁紫菜排骨飯
$60
5 瀏覽
0 讚好
0 留言
•
🥢 薑蔥魯肉飯 $58
朋友都幾鍾意薑蔥撈飯，所以專登落單時揀咗「多蔥」😛 魯肉嘅肉粒肥瘦適中，仲有少少冬菇粒～魯肉醬汁鹹味適中，入味得嚟又唔會太濕身，所以撈飯啱啱好😋 不過啲薑蔥都係比較生嗰種，而唔係中式燒味見到嘅薑蓉同蔥油，感覺就爭咗少少香味🤏🏼
薑蔥魯肉飯
$58
7 瀏覽
0 讚好
0 留言
•
🥢 熔岩蛋之戀 $39
呢款其實即係「拉絲芝士火腿蛋餅」～ 個蛋餅皮好薄好酥脆，仲有好多蔥，所以食落比較似蔥油酥餅😆 值得一讚嘅係個芝士量真係好澎湃🤩 加埋上面嘅千島醬，都幾惹味～
不過如果係想食台灣傳統嗰種，有煙韌口感嘅蛋餅配醬油膏，呢款就完全唔係嗰回事喇～ 不過都各有各好食嘅！
熔岩蛋之戀
$39
5 瀏覽
0 讚好
0 留言
熔岩蛋之戀
$39
4 瀏覽
0 讚好
0 留言
•
🥢 酥炸花枝丸 (3粒) $15
花枝丸好彈牙，仲會食到花枝粒，而且炸得乾身唔油，鍾意食花枝丸嘅都可以一試～
•
🥢鹽酥雞球 $16
呢個價錢嘅鹽酥雞竟然有咁大份，都真係好抵食！🥳 同樣都係新鮮炸起，熱辣辣，外面脆卜卜，入面嘅雞肉仲保留到肉汁，高質！😍而且表面仲加咗啲椒鹽，夠晒惹味！但個雞球嘅size就比較細粒，可能叫「雞粒」會比較適合🤣
鹽酥雞球
2 瀏覽
0 讚好
0 留言
鹽酥雞球
5 瀏覽
0 讚好
0 留言
張貼
