木船 (已結業)

今日天氣明明話得19度但係又好似好熱咁，想食啲酸味味嘅嘢，就同阿媽去咗食泰國菜。今次發掘到一間開咗一段時間但係未去食過嘅泰國菜，原來呢度係一間主題餐廳，一入到去就好似入咗一隻船對面食嘢咁樣，連橷都係木桶形，幾有特色。嘢食方面都幾高質，連我平時麻麻哋鍾意食嘅嘢都覺得幾好味。媽媽點左一個青木瓜沙律$62，平時去食泰菜嘅時候都覺得木瓜沙律有啲怪味，但呢度個木瓜沙律甜甜地，木瓜爽脆，令我對木瓜沙律完全改觀招牌菠蘿炒飯配虎蝦$158出面食菠蘿炒飯好多時大家都會掛住個菠蘿會唔會重用，但呢次食菠蘿炒飯一定唔使擔心，因為佢連菠蘿肉都整埋串燒比你食，黃薑飯仲有甜甜嘅菠蘿香，擺盤又靚，絕對值得一試。Combo 小食拼盤 $52呢個小食拼盤兩個人食啱啱好，每樣野都有兩件唔使爭，炸物香脆而不油膩，尤其係脆皮春卷，外層特別香脆，魚餅亦冇腥味，不錯的小食選擇最開心係揀咗兩杯好正嘅嘢飲，脆爆芒果園 $58，泰國巧克力巨人$58，兩杯都係King size既野飲，呢度雖然冇酒飲，但係有好多新鮮果肉整嘅特飲，就算當係嚟食甜品都得。