影片
更多
2017-03-15
264 瀏覽
之前openrice 揾餐廳嘅時候見到呢間有紫薯忌廉湯 覺得幾特別 所以bookmark左 黎開觀塘就好順理成章試下佢籠葵菇野菌汁闊條麵我覺得呢個意粉係難食過快餐連鎖店三四十蚊個啲😓😓闊條麵似係分開烚熟左 質地偏硬而無味 完全食唔到有sauce 啲菇似係放係側邊點綴 如果呢碟係分開煮嘅話我冇意見 但我諗煮意粉正確程序應該係將材料同意粉一齊烹調先啱 所以我都唔敢肯定自己係咪食緊意粉輕煎日本帶子黑松露意大利飯帶子尚算新鮮 意大利飯軟硬亦適中 但個sauce 都係出事 完全食/聞唔到黑松露嘅香氣 而且味道似白汁多啲頭盤一片士多啤梨配奇怪醬汁 士多啤梨過左當造季節唔甜無得講 奇怪在於個pat sauce 搞到個塊士多啤梨好酸 加上個sauce 比較厚身 想像下一塊無香味嘅士多啤梨再加一pat 醬係個口度你就會明豆腐配泡菜一片泡菜加一塊豆腐 呢兩種材料分開食就食得多 泡菜豆腐煲都食過 但當appetizer 咁食就真係未試過 奉勸各種我食左就算啦
籠葵菇野菌汁闊條麵
我覺得呢個意粉係難食過快餐連鎖店三四十蚊個啲😓😓闊條麵似係分開烚熟左 質地偏硬而無味 完全食唔到有sauce 啲菇似係放係側邊點綴 如果呢碟係分開煮嘅話我冇意見 但我諗煮意粉正確程序應該係將材料同意粉一齊烹調先啱 所以我都唔敢肯定自己係咪食緊意粉
輕煎日本帶子黑松露意大利飯
帶子尚算新鮮 意大利飯軟硬亦適中 但個sauce 都係出事 完全食/聞唔到黑松露嘅香氣 而且味道似白汁多啲
頭盤
一片士多啤梨配奇怪醬汁
士多啤梨過左當造季節唔甜無得講 奇怪在於個pat sauce 搞到個塊士多啤梨好酸 加上個sauce 比較厚身 想像下一塊無香味嘅士多啤梨再加一pat 醬係個口度你就會明
豆腐配泡菜
一片泡菜加一塊豆腐 呢兩種材料分開食就食得多 泡菜豆腐煲都食過 但當appetizer 咁食就真係未試過 奉勸各種我食左就算啦 你地唔食唔會係損失
泡沫南瓜湯
食緊西式野始終會覺得係配比較厚身嘅湯(例如忌廉湯) 而呢個湯好薄 比較似中湯 所唔啱飲
Gingerbread chocolate
偏甜 薑味唔夠 口味亦偏薄
btw 行過去廁所見到呢間餐廳原來養住好多人 樓面5個(客5枱) 廚房目測3個 一間養緊咁多人嘅餐廳 員工應該有充足時間應付晚市同鑽研下意粉點煮 好過踎係度玩電話呀
張貼
