影片
更多
2023-01-12
215 瀏覽
自助餐食得多，印度菜自助餐你又試過未🇮🇳😏 岩岩嗰weekend去咗soho嘅Jashan食brunch buffet，$168就可以任食多款地道小食同咖喱，仲包一杯飲品，真心超抵！-環境方面，呢度座位闊落舒適，閃令令嘅咕𠱸為地道嘅餐廳增添華麗感，我地去嗰日仲有人喺度搞緊生日party添，絕對係同一班朋友/屋企人聚會嘅好選擇🥳自助區淨係咖哩都已經有6款，個人最推薦Butter Chicken，帶點甜嘅咖喱雞非常嫩滑，咖哩味道香濃，餸飯/naan都一流！順帶一提，呢度嘅naan係即叫即整，口感軟綿綿，如果鍾意重口味，仲可以嗌special garlic naan，廚師會加重蒜油同芫茜，食落更香口🤩而印度小食就有Chicken Tikka、Fried Fish、Mixed Pakora 同Mixed Veggie Roll！平時食Chicken Tikka 好多時都會偏乾身，但餐廳嘅燒雞帶香燒口感同時保留到肉汁，超正🍗除咗自助區，店員亦會送上兩款特色小食！首先有Sunday special Pani Puri，佢係一款印度街道小食，空心嘅炸麵粉球入面有少少洋蔥同薯蓉，食嘅時候將薄荷汁倒入中
-
環境方面，呢度座位闊落舒適，閃令令嘅咕𠱸為地道嘅餐廳增添華麗感，我地去嗰日仲有人喺度搞緊生日party添，絕對係同一班朋友/屋企人聚會嘅好選擇🥳
自助區淨係咖哩都已經有6款，個人最推薦Butter Chicken，帶點甜嘅咖喱雞非常嫩滑，咖哩味道香濃，餸飯/naan都一流！順帶一提，呢度嘅naan係即叫即整，口感軟綿綿，如果鍾意重口味，仲可以嗌special garlic naan，廚師會加重蒜油同芫茜，食落更香口🤩
而印度小食就有Chicken Tikka、Fried Fish、Mixed Pakora 同Mixed Veggie Roll！平時食Chicken Tikka 好多時都會偏乾身，但餐廳嘅燒雞帶香燒口感同時保留到肉汁，超正🍗
除咗自助區，店員亦會送上兩款特色小食！首先有Sunday special Pani Puri，佢係一款印度街道小食，空心嘅炸麵粉球入面有少少洋蔥同薯蓉，食嘅時候將薄荷汁倒入中間，非登特別！而另一款係新鮮即製嘅Indian Pancake，佢皮薄而脆，味道帶少鹹，有啲似中式煎薄撐同crêpe嘅結合！入面包住辣椒、薯蓉、洋蔥，再配上蕃茄醬同椰子醬，味道口感非常有驚喜，鍾意食仲可以隨時叫廚師再整🤪
最後我喺甜品區拎咗印度布甸同Jamun，球體狀嘅Jamun雖然真係好甜，但呢點正正係佢嘅特色，加上chewy口感，絕對值得一試！
張貼
