大壹燒鵝 (啟田大廈)

營業中

休息中

今日做完嘢就去附近見到一間燒味餐廳食飯，結果入到去除咗燒味之外原來仲有小菜嘅，雖然嗰日星期一，但座無虛席，仲要等位添。我哋兩個人嗌咗個二人餐，性價比超高，有湯，飯同埋一個燒味再加兩個小菜。我哋嗌咗個叉燒拼豉油雞，原來呢間餐廳出名係叉燒，佢係半肥瘦嘅，咬落去肥肉同瘦肉加埋一齊，特別送飯。另外嗌咗個西蘭花炒蝦球， 蝦球啖啖肉，一啲都冇偷工減料，西蘭花亦都好爽脆。最後呢我哋嗌咗個咖喱牛腩，呢個真係有驚喜，原來佢原煲上熱辣辣咁，薯仔炸得非常之香脆，連個咖喱汁都非常惹味，$288黎講係物超所值。