嘆甜品

營業中

休息中

突然之間好想食甜品，又諗返起呢間位於粉嶺嘅甜品小店！甜品好多款式，又好味，最緊要係打卡都好靚！滿足到我貪心嘅性格😂✨焦糖脆脆，香蕉忌廉雪糕窩夫！聽講呢間甜品店出名嘅係窩夫，加上我個囡好鍾意食香蕉一於試返呢款！賣相好靚，打卡好靚！軟腍腍嘅窩夫再加埋焦糖脆脆！真係好夾再加埋一排過嘅香蕉，同雲呢拿雪糕和忌廉一齊食！真係超正！雪糕仲有得揀味道！✨榴槤飄雪呢個有一整個D24榴槤蓉加牛奶雪花冰，配上我最愛嘅小丸子同埋椰果！真係超滿足，冇諗過冬天都仲可以食到咁香咁好味嘅榴槤！✨港式懷舊咖喱三寶燒賣魚蛋同埋豬皮，果然係夠晒懷舊，佢哋加嘅咖喱好濃郁，唔太辣超好食！✨香脆玉米片雞塊佢勁新鮮嘅nugget!! 佢哋用肉玉米片replace左大家平時用嘅炸粉，即刻口感勁脆！加埋啲椒鹽，好香口好好食！✨椰皇芒果小丸子用整個椰皇上，個樣已經係好Ig-able !! 椰子味的香氣加濃郁嘅燉奶！ 仲有芒果小丸子另上！有貼心又有儀式感！小丸子Q彈，口感層次好分明！✨ 開心果西米露開心果西米露，西米露有好濃郁嘅開心果味！另外仲有配左啲開心果碎做點綴，又香又有口感，完全食到開心果嘅味！