慧食貓

營業中

休息中

手抓餅絕對係台式美食中我既最愛，但香港好多手抓餅都又貴又唔好食，難得「慧食貓」又抵又大件又好食，真係每次去葵涌都一定要食呀！小小一個檔口，打正台灣手抓餅既旗號，人流無停過就知佢有幾好食。餐牌上面有多個配搭好既選擇，我揀左b餐火腿雞蛋肉鬆手抓餅，老闆服務超好，落左單講明等幾耐，取食物時先比錢，我等候期間觀察到老闆記得曬食客既order，而且態度勁親切，難怪禁多fans啦！再睇返張相都流晒口水呀，手抓餅煎得好脆好香口，又唔會太燶，但又有焦脆既口感，餡料勁多，多到每咬一啖啲餡都漏出黎，真係用心之作呀。