武士料理

營業中

休息中

係人都知元朗有好多好嘢食，次次揀食咩都覺得好煩惱，朋友介紹呢度有間日式居酒屋，雖然係小店，但係質素唔錯，咁就一於嚟試吓啦。呢個武士刺身盛非常靚，好適合打卡。而且佢一層一層咁樣放，方便又衛生。而且佢除咗外表靚之外，佢嘅食材都非常新鮮，同埋份量都好多，絕對唔馬虎㗎。隻生蠔真係仲大過手掌，而且食落好新鮮，海水味好夠，感覺非常高質。我自己最鍾意嘅就係佢嘅牡丹蝦，又係非常大隻，好少見到咁大隻嘅蝦，而且食落好新鮮，蝦肉夠爽滑，而且蝦頭仲有蝦膏㗎。呢度嘅三文魚刺身都好唔錯，所以我哋食完刺身盛之後，都忍唔住自己再加多碟。呢度除咗食物高質之外，佢嘅清酒都好高質。老闆話佢有好多唔同款嘅清酒，而且價錢全部都唔貴，啱晒一大班朋友飲住酒食壽司。呢間小店又多款式，食物質素又高，唔怪得咁多客人啦。