影片
更多
2019-12-16
42 瀏覽
上水彩園廣場裝修左之後多左好多好野食，今日同屋企人去左試Mee...lemongrass，主要係食泰國野剩係睇menu都覺得好吸引，我地叫左d睇落好似好好食，結果真係好唔錯泰式蠔仔蛋第一道菜已經好令人驚喜，我地冇諗過佢係鐵板黎，上台既時候“炸炸“聲，話比你聽佢幾咁新鮮滾熱辣，而且比想像中大份好多！佢個蛋煎到金黃色，d蛋邊仲要係脆身，但中間同內裡係香軟，入面既餡非常之多，用料好足，蠔仔唔係剩係得幾隻，配埋個泰式辣醬好夾呀！波士頓龍蝦喇沙（原隻）話原隻就真係原隻，又係勁大份，上到台我地都嚇親，店員會比埋鉗同手套你，唔會整污糟對手，想點食就點食。龍蝦好香，而且多肉，肉質鮮嫩，咬落幾彈牙，喇沙湯底剩係望到都覺得濃郁，食落仲好香濃，麵爽口彈牙，有d豆卜做配菜，媽媽對呢碗麵完全係讚不絕口，84蚊食到呢個質素非常抵食！炒金邊粉金邊粉一向係我既至愛！味到適中，唔會太咸，側邊有調味料比你自己調味，竟然仲有糖提供，撈埋糖更好食！用既蝦都好大隻兼爽口彈牙，金邊粉永遠唔會令人失望！香芒椰汁糯米飯我敢講佢係我食過最好食既芒果糯米飯，佢之所以咁成功係因為佢個椰汁好好食，好香甜好椰！就算食哂d飯，每件芒果我都要點埋
剩係睇menu都覺得好吸引，我地叫左d睇落好似好好食，結果真係好唔錯
泰式蠔仔蛋
第一道菜已經好令人驚喜，我地冇諗過佢係鐵板黎，上台既時候“炸炸“聲，話比你聽佢幾咁新鮮滾熱辣，而且比想像中大份好多！佢個蛋煎到金黃色，d蛋邊仲要係脆身，但中間同內裡係香軟，入面既餡非常之多，用料好足，蠔仔唔係剩係得幾隻，配埋個泰式辣醬好夾呀！
波士頓龍蝦喇沙（原隻）
話原隻就真係原隻，又係勁大份，上到台我地都嚇親，店員會比埋鉗同手套你，唔會整污糟對手，想點食就點食。龍蝦好香，而且多肉，肉質鮮嫩，咬落幾彈牙，喇沙湯底剩係望到都覺得濃郁，食落仲好香濃，麵爽口彈牙，有d豆卜做配菜，媽媽對呢碗麵完全係讚不絕口，84蚊食到呢個質素非常抵食！
炒金邊粉
金邊粉一向係我既至愛！味到適中，唔會太咸，側邊有調味料比你自己調味，竟然仲有糖提供，撈埋糖更好食！用既蝦都好大隻兼爽口彈牙，金邊粉永遠唔會令人失望！
香芒椰汁糯米飯
我敢講佢係我食過最好食既芒果糯米飯，佢之所以咁成功係因為佢個椰汁好好食，好香甜好椰！就算食哂d飯，每件芒果我都要點埋d椰汁食
芝士黑糖鮮奶
黑糖夠濃郁，芝士味偏咸，同出面一般黑糖鮮奶差唔多，黑糖鮮奶愛好者可以一試
茉莉奶綠茶
茶味夠出，有少少黑糖加左，珍珠同上面果杯一樣，珍珠比較軟身，鐘意茶味出既我會比較鐘意呢杯！
張貼
