影片
更多
2024-07-27
636 瀏覽
喺OpenRice搵到一鍋烽 同朋友預約咗晚餐時段地點係馬鞍山We Go Mall入面恆安站行幾分鐘就到,都算易搵本身預咗行吓商場再去食嘢但講真商場真係冇乜嘢行!!比預約時間早好多, 都好熱情歡迎我哋入座。火鍋店裝修係中國風, 木式枱凳連同紅色燈籠, 十分之有特色，而且每個間隔只有兩張枱, 坐得好舒適, 同埋有空間感, 最重要係冷氣好夠。嗰日樓面得一個女服務員, 會寫食評除咗食物環境質素高之外, 仲主要係因為呢間火鍋店嘅超卓態度同服務👍🏻一坐低佢好熱情介紹,最終揀咗仼食火鍋套餐我哋食嘅時候人流唔多, 佢仲特登將啲餐具拎入廚房用滾水幫我哋再即時清潔。套餐第一係俾你選擇雞煲定係烤魚我哋揀咗雞煲, 上枱亦定時過黎幫手調熱度雞煲唔辣亦好香滑,打邊爐湯底揀咗鴛鴦鍋(四川麻辣拼椰子雞+$60)麻辣湯底入邊仲會有蓮藕片芽菜等配菜, 椰子雞湯更加係半隻新鮮雞放入去,勁足料,湯底好清甜！出邊仲有個開放雪櫃放其他配菜,亦都係可以任食(各種蔬菜丸類), 另外亦有張咭入邊指定嘅食材都可以任叫。飲品都係任飲自取, 選擇都好多樣化！中途上咗一盤海鮮拼盤!嘩..驟眼望已經覺得份量好多同埋好新鮮, 當中尤其是魷魚,鮮
同朋友預約咗晚餐時段
地點係馬鞍山We Go Mall入面
恆安站行幾分鐘就到,都算易搵
本身預咗行吓商場再去食嘢
但講真商場真係冇乜嘢行!!
比預約時間早好多, 都好熱情歡迎我哋入座。
火鍋店裝修係中國風, 木式枱凳連同紅色燈籠, 十分之有特色，而且每個間隔只有兩張枱, 坐得好舒適, 同埋有空間感, 最重要係冷氣好夠。
嗰日樓面得一個女服務員,
會寫食評除咗食物環境質素高之外, 仲主要係因為呢間火鍋店嘅超卓態度同服務👍🏻
一坐低佢好熱情介紹,最終揀咗仼食火鍋套餐
我哋食嘅時候人流唔多, 佢仲特登將啲餐具拎入廚房用滾水幫我哋再即時清潔。
套餐第一係俾你選擇雞煲定係烤魚
我哋揀咗雞煲, 上枱亦定時過黎幫手調熱度
雞煲唔辣亦好香滑,打邊爐湯底揀咗鴛鴦鍋(四川麻辣拼椰子雞+$60)麻辣湯底入邊仲會有蓮藕片芽菜等配菜, 椰子雞湯更加係半隻新鮮雞放入去,勁足料,湯底好清甜！
出邊仲有個開放雪櫃放其他配菜,亦都係可以任食(各種蔬菜丸類), 另外亦有張咭入邊指定嘅食材都可以任叫。飲品都係任飲自取, 選擇都好多樣化！
中途上咗一盤海鮮拼盤!嘩..驟眼望已經覺得份量好多同埋好新鮮, 當中尤其是魷魚,鮮魚片, 鮑魚同海蝦都大隻鮮甜, 最估唔到啲海鮮係咁好食！最後仲有好多特別口味嘅雪糕😋好正啊！食完雪糕仲有當日精選甜品-紅豆沙。 太滿足喇！
套餐實在比想像中豐富食咗兩個幾鐘, 其實已經食到超晒時間, 但係樓面姐姐都勁好同我哋講唔緊要,可以繼續慢慢食, 全程服務都極好, 而且仲要講嘢好有趣, 有佢喺度我諗所有人收工去食嘢心情唔好都會變到好開心！
其實呢間火鍋店性價比真係極高, 最可惜係店舖嘅地點商場人流都唔多, 希望有更加多人知道呢一間寶藏火鍋店啦！
2 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
3 瀏覽
0 讚好
0 留言
7 瀏覽
0 讚好
0 留言
0 瀏覽
0 讚好
0 留言
張貼
