一心素食 (已結業)

其實係想食佢午市，不過遲左到撞正下午茶😭 下午茶餐牌其實都算豐富，不過冇我最想食既，好彩周圍眼望望，都仲見到個時令特餐：香辣回鍋素肉飯。今次嗌左呢個特餐同凍檸茶。平時我就一定唔食回鍋肉，見係素菜先安心試下。上菜速度算快，只係侍應有啲難嗌，一定要佢經過你你先有機會嗌到佢🤣雖然講明係輕食，預左份量不會多，但飯都有足一碗！回鍋肉份量都不少，入面有菇，三色椒，菜同紅蘿蔔。仲有外貌好似真肉的素肉！食落口感不錯，望落似真肉但其實食落唔似真肉，怕肉的朋友絕對可以放心。而回鍋肉有少香辣，但對嗜辣者黎講就一定不夠辣。呢個「輕食」對女仔黎講一定夠飽，男仔都可以醫到肚餓。以呢個價黎講，抵到爛啦😋