加多娜天然酵母手作麵包店

營業中

休息中

今日響油麻地附近覺得有啲肚餓，經過經過加多娜又去試下。當日約下午四點半，難得冇人頭湧湧排隊，我就試咗一個芋頭酥和咖啡鬆餅。芋頭酥＄12： 唔好睇佢細細個，餡料充足，酥皮非常鬆脆，芋頭味濃又不太甜，非常美味。 咖啡鬆餅＄10： 未食已經聞到濃濃嘅咖啡味， 亦都見有好多朱古力碎粒響餅面，鬆餅較乾身，外皮有少少硬，但內裏鬆軟，咖啡及朱古力味非常之濃，喜歡咖啡的人不要錯過。仲有個小插曲，我通知店員想要芋頭酥，其實盤內仍有六七個，但係佢話入去麵包房攞啲剛焗出嚟更新鮮嘅，非常窩心，店員服務態度好好。