柳氏家 (已結業)

疫情關係六點後禁堂食，好多餐廳都有🥡外賣優惠，今次外賣炒雞只係💥半價勁抵💥仲要味道同堂食其實差不多！唔食辣既朋友餐廳都有其他選擇嫁🤟🏻之前試過味增蜜糖都正✨✨🐔柳氏家辣炒雞-2人份量($47)(🍚7.5/10)推介❗原價要$94先食到，外賣價真係好抵！仲係現場即叫即炒，拎到返屋企打開都仲好熱辣辣🔥🔥份量適中有好多雞肉，夠哂兩個人食！柳氏炒雞係韓式辣醬味，辣度岩岩好有少少甜味，極有韓國風味。🍗雞肉食落嫩滑入味，仲配有兩款年糕條(原味/紫薯)，夠哂煙韌又唔硬，紫薯個款有蕃薯流心好驚喜✨配埋椰菜同大蔥中和番成個既罪惡感，仲可以加$7.5配白飯🍚送飯一流！🥘炭烤味辣雞扒(配白飯)($43.5) (🍚6.5/10)呢款有三條🌶🌶🌶既炭烤雞扒同樣現場即製，但係係用原塊雞扒去炭燒，燒出黎真係有少少外脆內嫩既感覺，雞皮有少少脆，咬落雞扒同樣嫩滑多汁💦雞扒上面仲鋪左一層韓式辣醬既味道相當惹味，但食落略嫌太辣同埋偏咸！不足既地方係雞扒既炭燒味被辣味蓋過，另外全個餐只有一塊雞扒，無咩汁同配菜(只有少量黃瓜同泡菜)，整體較乾，如果可以加配多啲蔬菜🥬會更好。