鯛魚湯專門店 (已結業)

今晚媽咪有節目，做就個機會比我地兩父女撐枱腳，難得爸爸有IDEA 提出想去邊度食飯，做乖女的當然會訂定枱啦。呢間鯛魚湯專門店，位於灣仔天樂里，爸爸話每日坐車經過，睇住佢開的，所以想試下。裝修舒適，價錢相宜，吸引好多街坊一定大細黎幫襯爸爸的鮑魚花膠魚肚魚湯手打烏東，鮑魚彈牙，花膠雖然細隻，肉唔厚，但燜得好稔同入味，魚肚充份吸收了鯛魚湯的味道我的吉列日本蠔魚湯手打烏東，另加兩粒墨魚丸，賣相令人食指大動，烏東彈牙，鯛魚湯鮮甜睇返介紹，鯛魚原來有好高的營養，包括女仕最需要的骨膠原，滋潤養顏，而且當中的菸鹼酸，有助穩定情緒。唔通因為咁，當晚我同爸爸咁好傾？ 同埋小食蒜片牛粒一客，份量好足，每口充滿肉汁，軟稔味美。沙律菜混合了芝麻醬汁，新鮮爽脆埋單300 左右，非常滿意，下次可以帶埋媽咪黎幫襯