小澤日本料理 (已結業)

非常建議大家book位，因為真係好多人黎食。每個黎到都話自己有book位，好多客仔！得一個師傅，多單，但質素依然保持得好好。真心，其實我好佩服咁少人手但接到咁多單。絕對係一間你會想再黎食既餐廳，唔係講笑。每人可以係list上選任何三樣食品，我地叫左油甘魚飯、三文魚飯、半燒三文魚飯、燒雞排，同埋天婦羅。半燒三文魚飯好有趣，油甘魚飯稍為遜色，但以呢個價錢黎講符合國情架啦。三樣入面揀左兩個飯，食完之後真系好飽，但仲有雪糕添！120蚊黎講，又唔洗加一，又高質，夫復何求呢。中環人必定要黎食！