牛扒先生 (康怡廣場) (已結業)

下午茶叫左個牛扒併薯菜同凍奶茶。牛扒併薯菜，牛扒淋上黑椒汁有濃濃既黑椒味係唔錯，牛扒五成熟，肉質咬口非常普通，牛扒邊既根位好韌，用刀切勁耐先切得出黎，而且小左牛扒脂肪最應該有既牛油香味，整體非常普通。薯菜反而比較突出，薯條唔油而且表面好脆，好新鮮，蕃茄醬好有茄味，即使係樽裝茄汁都揀啱牌子。蕃茄爽口非常新鮮，有輕微火炙過，更能突出蕃茄既香味，配上底下既黑醋汁，非常好食，離奇地有種干炒牛河d汁既感覺，生菜亦非常新鮮爽口，總算挽救番d分數。至於凍奶茶好普通，奶味唔夠。lee個下午茶連service charge 69蚊，性價比合理，薯菜好食。