巴巴串

營業中

休息中

今日同同事放工想搵個地方傾偈食嘢，同事提議近近地去觀塘開源道駱駝漆大廈食串燒放題。巴巴串地方及坐位闊落坐得舒適，係一間有自動旋轉烤爐嘅自助式串燒放題。最基本嘅A餐有近百種食物可以選擇，B餐及C餐可因各人口味追加唔同級數食物，例如選擇C餐即有美國SRF極黑和牛， 西班牙伊比利亞豬梅片，紐西蘭羊架 ，日本松葉凍蟹腳，亦即係A+B+C所有食物可選。自助吧有多款串燒食材自取，攞返坐位放自轉烤爐上可一邊炸一邊傾偈。自助吧亦有多款熟食，海鮮冷盆有熟海蝦、青口、翡翠螺，前菜有芝麻八瓜魚、蒜味螺肉、泰式鳳爪、大蝦沙律，吉列蝦，甜品，雪糕，飲品應有盡有。自家醃製嘅串燒肉類好入味，前菜，熟食，冷盆，甜品各樣都美味。環境舒適適合三五知己，朋友聚餐嘅好地方。