Harbourview Grill (香港科學園)

營業中

休息中

同朋友踩單車經過科學園， 中途入咗呢間新開嘅餐廳歇腳，係平日兩點多的時間，本來只係諗住食啲小食，看過餐牌後， 發覺佢啲午餐仲有供應， 而且價錢便宜，由88蚊起，已包餐湯餐飲，加些少錢仲可以轉飲餐酒或啤酒 ，所以一於試下。 呢間餐廳新開， 落地玻璃對正吐露港， 海景一覽無遺， 而且餐廳樓底好高， 枱與枱之間有充分空間， 可以用寬敞嚟形容。 食物方面， 要左一份希臘沙律， 一碟當日意粉同一份炭燒肉眼牛扒。 沙律新鮮好味，材料豐富， 意粉就味道正常，賣相一般。 份肉眼扒就正喇，大概200g左右， 烤得有少少燶有脆口感，肉嫩多汁， 最重要係套餐價只不過係128蚊一份， 簡直超值！