慶記 (已結業)

成日去開大角咀食嘢嘅朋友應該都認識慶面，依家佢哋就將角祥街嘅舖位搬到附近利奧坊，並改名為慶記，而家座位更加闊落，坐得好舒服😌 仲可以經QR Code落單，介面清晰容易操作，好容易就可以落單，方便又快捷～ 我哋每人叫咗一個主食、小食同飲品，食物嘅質素仲依然保持咁高水準👍🏻-口水醉雞捲 落單嗰陣可以要求口水汁另上，同我一樣怕辣又鍾意食口水汁嘅朋友都可以咁樣叫😉 口水醉雞捲有8件，每件都好多肉，雞皮嘅部份就非常薄透，食落唔會覺得油膩，口水汁調得好惹味😋 辣辣地咁好開胃🌶-小籠包(四隻)小籠包可以揀兩隻或四隻，我地兩個人就叫咗四隻。小籠包皮薄餡靚，食落仲有爆汁嘅效果，好多肉汁，點埋黑醋食一啲都唔覺得油膩😋-茶燻煎軟雞拼滷肉慶面茶燻煎軟雞真係好出色好驚喜❣️食落就好似茶燻鴨咁惹味，份量都幾大份。滷肉慶面裡面麵條嘅份量都幾多幾大碗，加埋滷肉一齊食味道就更加濃郁。-香酥排骨拼滷肉撈面香酥排骨炸得香脆可口，排骨肉唔會過老，份量同樣大大份。撈麵對比湯麵味道就比較濃郁，鍾意食濃味上海菜嘅朋友啱曬🍜-熱桂圓蜜熱飲裡面幾足料，都有幾多粒桂圓，好適合鍾意飲甜嘢嘅朋友，又可以中和一下口水汁嘅辣味☕️