Hunger Strike (般咸道) (已結業)

肥妹仔好少喺港島西營盤嗰邊蒲頭，今晚咁啱去到嗰度做嘢，做完嘢之後就約埋肥家姐喺附近食飯。行行下見到呢一間專賣kebab嘅專門店，就入咗去試下啦。fried o fish naan $48肥妹仔就叫咗呢一個炸魚烤餅套餐，呢一個烤餅餅底好鬆軟，佢嘅炸魚柳炸到超級香脆，魚肉都幾嫩，配埋個沙律醬同埋新鮮嘅蔬菜食，好爽口，一啲都唔greasylamb kebab roll呢一個羊肉烤卷亦都唔錯，首先佢個羊應該係事先醃好咗，所以好重香料味 ，幾特別。佢嘅套餐係配一啲薯片 ，肥妹仔未食過，我覺得冇乜嘢味道嘅。炸雞小食呢個好好食，炸到非常之香脆，雞肉好嫩滑，同埋都幾多汁。