CHICKEN FACTORY (健威坊)

營業中

休息中

同朋友去北角行街，行行下去到健威坊。跟住見到呢間叫做chicken factory嘅餐廳。見到餐牌寫住六十八蚊一隻雞， 心諗有冇咁平呀。 但係原來真係咁平，真係好意外居然可以用咁嘅價錢食到雞。 但係最後我都冇叫到雞，反而叫咗個烤雞餐。烤雞餐包咗一隻雞再加兩個盤菜，配菜我地叫咗焗薯同烤雜菜。焗薯散發著陣陣嘅牛油香味🤤🤤🤤，軟硬度適中，份量亦都好夠，一共有五嚿。唔單止焗薯有牛油味，連啲雜菜都用牛油整。 對於一個鍾意食牛油嘅我真係天堂美食😍😍 。隻雞本身已經落咗啲汁去整 啲雞好嫩滑好香，一啲都唔硬。 總括而言，呢間餐廳真係性價比超高，又抵食又好味。鍾意食雞嘅朋友一定唔可以錯過呢間餐廳。