興樂菜館

營業中

休息中

星期五入長洲staycation， 朋友話呢間餐廳價錢最公道，果然平日夜晚食飯都要等位， 不過唔使等太耐。兩個人叫左個三餸套餐再加個炒飯食唔曬。食椒鹽鮮魷最憎就係魷魚硬到咬唔爛，呢間就炸得剛剛好，外面脆卜卜，裡面彈牙，配埋個醬汁好鮮甜。鴛鴦生炒骨就系甜酸排骨，材料新鮮，正常水準。紅燒豆腐班塊好足料，超多舊魚，又滑。咸蛋雞粒炒飯真心正，唔似出面落好多油，但啲飯又能夠炒到乾身粒粒分明。咸蛋唔會太咸，雞粒好嫩口。兩個人食到飽埋數都系300蚊有找。唯一就系個炒飯等左半個鐘，其他餸都到齊但係冇飯配住食，可能系人太多廚房漏單。唔緊要，當慢慢欣賞下海景。