升 (已結業)

餐廳唔大 但都有一個類似廂房既位置坐到7-8人裝修好別緻 位置都坐得舒服同最緊要師傅好健談，好少食Omakase 可以任食壽司而且質素亦唔太差😚😚😚🔸靜岡県日本蕃茄蕃茄好甜 少少酸汁 好夾🔸海膽味噌豆腐配三文魚籽海膽味好濃 豆腐又滑 三文魚籽唔苦🥺🥺平時最驚三文魚籽會有苦味🔸北海道真蠔酸味啫喱蠔好creamy,海水味較淡🔸拖羅好香油香 拖羅夠肥美😍😍配埋紫蘇葉同紫菜一齊食好夾 完全中和左拖羅既肥膩感🔸鰹魚 肉質好滑 鰹魚皮燒左 令鰹魚食落更香口🔸鱈魚乾好香脆 配清酒一流！🔸磯煮鮑魚蘿蔔好入味 鮑魚夠彈牙🔸松葉蟹茶碗蒸🔸立輪燒肉味好香 咸咸地好惹味 而且個魚鱗炸得好香脆 底配左菠菜汁🔸18件壽司真心誇張，平時食開多數12件已經好飽而家重有成18件食 飽到好誇張😂😂😂120分鐘內重可以任叫番想食既壽司（除海膽）想像唔到點解會有人可以再叫到😂😂😂已經好飽重叫到食既人好勁🤣真鯛｜深海池魚｜千葉縣金目鯛｜右口魚｜梭子魚｜北海道鮮帶子｜文甲魷魚｜春魚｜呑拿魚赤身｜甜蝦｜間白｜長崎中拖｜劍魚腩｜鯖魚｜獅魚｜左口魚｜海鰻｜松葉蟹面豉湯而我最鐘意右口魚（鮫魚）、北海道鮮帶子、文甲魷魚、劍魚腩同呑拿魚赤身