九町屋

營業中

休息中

🌇裝修：店舖門口望入去已經見到好靚嘅日式裝修，牆身貼咗好多日本景點嘅卡通圖案👍🏻店舖裏面有好多卡位，好適合一班朋友坐低傾吓偈食吓飯 🥘牛肉壽喜燒（$68）：壽喜燒份量非常大，鍋物裏面都有好多唔同嘅配料，包括有冬菇、大白菜、小棠菜、豆腐、雞蛋同埋粉絲，再加埋牛肉嘅份量都唔少，壽喜燒湯底嘅調味都好出色🥘辛味軟殼蟹煎飯(咖喱汁)（$70）：一上碟就見到用醬汁畫咗個表情符號係碟上面☺️估唔到咁有心思，軟殼蟹非常鬆脆，配上咖喱汁同埋煎到脆口嘅煎飯好夾🥘吉列炸芝士(配威士忌汁)（$37）：吉列芝士一共有兩款加埋四嚿，兩款嘅炸芝士都有拉絲嘅效果，非常邪惡😈🥘雞軟骨小丸子串（$29）：燒到卜卜脆嘅小丸子中間釀咗細細粒嘅雞軟骨，口感好特別，可以一試🍹宇治抹茶奶綠（$15）：好大杯好抵飲，差啲飲唔晒，不過奶味較重，相對綠茶味唔係太夠濃郁🍹芒果綠茶（$10）：大大杯非常抵飲，同朋友傾咗一晚計都飲唔晒，不過飲品偏甜，建議大家叫嘅時候可以要少甜🎆整體：呢間小店可以算係平靚正，價錢唔貴份量好足夠，再加上座位都好好坐，如果經過附近值得一試。本身都會覺得加$10先有飲品好似有少少貴，不過餐廳飲品份量好大，值回票價👍🏻