豐石板燒專門店 (已結業)

之前都食過其他石燒牛，都覺得抵食，不過食完呢間覺得仲正！入門口已經可以拎野飲，仲有冷泡茶，同埋汽水～全日套餐都係$78起，沙律同飯任食，有飯素添呀，仲有麵豉湯！想讚一讚個沙律真係好新鮮，一樽樽又乾淨，食左2兜我地揀左最平2款牛，肉眼$78，同埋封門柳$98~肉眼好大塊，封門柳就有幾件，份量都幾多～等埋舊石頭就可以燒啦，自己想食幾熟就幾熟，再加D鹽已經好好食！不過個人鐘意封門柳多，牛味濃，又淋D，唔洗加一都真係幾抵食，食到好鬼飽！