影片
更多
2023-09-29
113 瀏覽
有日去完元朗劇院去附近揾食，經過呢間任食嘅放題燒肉餐廳😎見佢每位成人只需要$238就入去食吓質素先🤣餐廳環境行型格路線，老闆應該係iron man迷🤣周圍都放滿iron man擺設～餐廳窗邊仲有打卡位，好多羽毛🪶同仙女棒，坐上去會成個仙女咁🧚♀️與其話自己食緊韓燒，我覺得餐廳更加似自助餐！😋菜式上嘅選擇多到令人眼花繚亂。係前菜方面，佢哋提供咗豐盛嘅冷盤海鮮、沙律、魚生刺身同新鮮嘅壽司🍣，當中我食咗三文魚刺身，油脂均勻同有三文魚味。呢啲開胃菜唔單只色彩鮮豔，而且味道新鮮好味，令我即刻感受到大廚嘅用心！🥰跟住就係主角：燒肉部分！🥓餐廳會除咗會主動幫我哋會爐，會有提供圍裙👍🏿我揀咗廚師推薦嘅牛仔骨、豬腩片和辣雞翼。呢啲肉類都燒得好香，口感嫩滑多汁，真係令我食到停唔到口～特別鐘意食佢哋嘅牛肉，軟嫩多汁，入口即化～另外，我哋仲食咗燒魷魚、豬頸肉、粟米、翠玉瓜同茄子等其他燒烤。餐廳仲提供咗好多調味醬料，有好多種類所以每個人都可以揾到自己鐘意嘅口味😍餐廳有樣嘢幾驚喜，就係現場會提供不同時段嘅鐵板燒菜式🫢例如6:30至7:15期間提供長龍牛舌，7:30及8:30就有新鮮嘅生蠔供應，而7:45至8:15
有日去完元朗劇院去附近揾食，經過呢間任食嘅放題燒肉餐廳😎見佢每位成人只需要$238就入去食吓質素先🤣餐廳環境行型格路線，老闆應該係iron man迷🤣周圍都放滿iron man擺設～餐廳窗邊仲有打卡位，好多羽毛🪶同仙女棒，坐上去會成個仙女咁🧚♀️
與其話自己食緊韓燒，我覺得餐廳更加似自助餐！😋菜式上嘅選擇多到令人眼花繚亂。係前菜方面，佢哋提供咗豐盛嘅冷盤海鮮、沙律、魚生刺身同新鮮嘅壽司🍣，當中我食咗三文魚刺身，油脂均勻同有三文魚味。呢啲開胃菜唔單只色彩鮮豔，而且味道新鮮好味，令我即刻感受到大廚嘅用心！🥰
跟住就係主角：燒肉部分！🥓餐廳會除咗會主動幫我哋會爐，會有提供圍裙👍🏿我揀咗廚師推薦嘅牛仔骨、豬腩片和辣雞翼。呢啲肉類都燒得好香，口感嫩滑多汁，真係令我食到停唔到口～特別鐘意食佢哋嘅牛肉，軟嫩多汁，入口即化～另外，我哋仲食咗燒魷魚、豬頸肉、粟米、翠玉瓜同茄子等其他燒烤。餐廳仲提供咗好多調味醬料，有好多種類所以每個人都可以揾到自己鐘意嘅口味😍
餐廳有樣嘢幾驚喜，就係現場會提供不同時段嘅鐵板燒菜式🫢例如6:30至7:15期間提供長龍牛舌，7:30及8:30就有新鮮嘅生蠔供應，而7:45至8:15之間可以品嚐到好食嘅韓式牛肋骨。呢啲特色菜式真係令成個用餐體驗更加豐富多元🤤
仲有啲熱葷都值得一提㗎，好似新鮮嘅小龍蝦、卜卜蜆同水煮牛等嘅特色菜，仲有香辣嘅炒麻辣乾鍋，炸雞同中式湯水，無論你係是鐘意海鮮定係熱食，呢度都能夠滿足你嘅味蕾需求👅
結束一餐嘅最佳方式就係享受佢哋豐富嘅甜品選擇～佢哋嘅自家製麥旋風係小朋友同大朋友嘅最愛😍綿花糖機又能夠做出各種唔同花款嘅綿花糖，適合各個唔同要求嘅人😍另外，冰櫃裡面仲有各種口味嘅杯裝雪糕雪條同多種特色凍餅，造型百變而且冰涼爽口🤩如果你鐘意中式甜品，佢哋都有糖水供應😌飲品方面，無論係各式汔水同啤酒，定係熱飲，都能夠滿足唔同食客嘅需求。🍻🥤
💕餐廳以價格實惠同多樣嘅美食選擇脫穎而出👅無論係燒肉愛好者定係甜品愛好者，呢度都可以滿足你哋嘅味蕾😍
張貼
