影片
更多
2023-06-23
1578 瀏覽
大埔呢間校長燒肉真係超級抵食😋，鍾意食自助餐放題嘅話，黎呢度就啱曬啦。 晚市兩個鐘都係200蚊都唔使💰，就可以任食刺身、燒肉同火鍋。而且餐廳位置比較寬闊，有好多梳化位，坐得舒服過大部分嘅日式放題店。 ❤飲品: 必試自助花茶區🌼飲品嘅選擇好多☕，除咗一般罐裝紙包裝飲品之外，仲有啤酒、清酒、梅酒。另外最特別嘅係自助花茶區🌷🌸， 有香片、普洱、玫瑰、洛神花、蒲公英、紅棗、山楂、陳皮等等，大概二十種配料，每一樣配料有寫明相關嘅功效 ，可以根據自己喜好配搭。 ❤刺身壽司刺身種類好齊全，有三文魚、吞拿魚、希靈魚、螺片同赤蝦， 好新鮮，肉質鮮甜肥美 。另外，手握壽司🍣就有玉子、腐皮、三文魚、蟹柳、螺片等等。 ❤沙律小食沙律吧方面，有整好咗嘅蘋果沙律🥗，亦都有自己配搭嘅選擇，車厘茄、粟米、青瓜、菠蘿粒等等，可以自己加唔同嘅醬料。 小食方面，中港日韓式都齊曬🥘🍗，凍盤包括螺肉、中華沙律、酸薑、韓式泡菜、涼拌木耳等等，非常之開胃。 熱食方面有日式蒸蛋、碗仔翅、籠仔蒸品(馬拉盞、雞包仔、蟲草花燒賣)、炸香蕉薯格、炸雞塊、炸洋蔥圈等等， 小朋友一定好鍾意🤗。 ❤火鍋燒烤料火鍋同燒烤配料區非常之壯觀🤩，一眼望落
❤飲品: 必試自助花茶區🌼
飲品嘅選擇好多☕，除咗一般罐裝紙包裝飲品之外，仲有啤酒、清酒、梅酒。另外最特別嘅係自助花茶區🌷🌸， 有香片、普洱、玫瑰、洛神花、蒲公英、紅棗、山楂、陳皮等等，大概二十種配料，每一樣配料有寫明相關嘅功效 ，可以根據自己喜好配搭。
❤刺身壽司
刺身種類好齊全，有三文魚、吞拿魚、希靈魚、螺片同赤蝦， 好新鮮，肉質鮮甜肥美 。另外，手握壽司🍣就有玉子、腐皮、三文魚、蟹柳、螺片等等。
❤沙律小食
沙律吧方面，有整好咗嘅蘋果沙律🥗，亦都有自己配搭嘅選擇，車厘茄、粟米、青瓜、菠蘿粒等等，可以自己加唔同嘅醬料。
小食方面，中港日韓式都齊曬🥘🍗，凍盤包括螺肉、中華沙律、酸薑、韓式泡菜、涼拌木耳等等，非常之開胃。 熱食方面有日式蒸蛋、碗仔翅、籠仔蒸品(馬拉盞、雞包仔、蟲草花燒賣)、炸香蕉薯格、炸雞塊、炸洋蔥圈等等， 小朋友一定好鍾意🤗。
❤火鍋燒烤料
火鍋同燒烤配料區非常之壯觀🤩，一眼望落去應該有大概100款肉類、丸類同蔬菜類配料。 肉類方面🥩，自己最鐘意嘅就係肥牛片同埋豬腩肉片，肥牛片攞嚟 整shabushabu好薄好好味，豬腩肉片燒烤之後非常之香脆😋。
火鍋湯底都有三款🍲，有日式豬骨湯、日式清湯同埋壽喜燒湯底。個鍋仲係雙拼嘅添，可以試多啲唔同口味。
❤中式料理
好似酒店自助餐廳咁，仲會有中菜自助區🥣，大概十款菜式左右，有炆牛腩、涼瓜炒蛋、韭菜炒牛肉、炒青菜、蟲草花蒸雞等等。
❤甜品
最後甜品櫃都有兩個，一啲都唔hea😍。我覺得最有特色嘅就係有唔同口味嘅自家製奶凍🍮，包括木瓜、草莓、香芋同埋港式奶茶口味，我就最鍾意木瓜口味，比較香甜，仲可以自己加椰果粒🥥同埋水蜜桃粒🍑。
總括嚟講，呢間餐廳性價比超高， 好易食回本😝，食物有質素而且種類多，係家庭朋友聚會嘅一個唔錯嘅選擇👍。
張貼
