壽喜・關西

營業中

休息中

Suki Kansai - 正宗關西風壽喜燒今日介紹一間位於銅鑼灣區嘅日本餐廳，主打壽喜燒，係來自日本關西!有唔同選擇嘅壽喜燒套餐，提供唔同部位嘅和牛，而且都係採用北海道嘅十勝和牛。共 3 款套餐選擇，包括精品赤身壽喜燒套餐、特選肩胛壽喜燒套餐、極上肉眼壽喜燒套餐，份量就有120g 同 180g選擇。我哋叫咗180g既精品赤身壽喜燒 $198極上肉眼壽喜燒 $288追加特選肩胛肉40g +$48首先和牛採用北海道十勝A4+級，油脂豐盈，大理石嘅紋理，我哋食咗赤身先，都已經覺得入口即溶，然後再食埋極上肉眼，味道簡直更加係昇華左，油花、牛味都非常濃郁；再配上日本直送蘭王蛋，完美嘅配搭。而整個套餐亦都相當完整，有季節前菜解膩開胃，壽喜燒之後嘅野菜盛盒、讚岐烏冬，將和牛同埋壽喜燒煮食嘅醬汁精華一點都唔浪費，最後仲有蕨餅做甜品。