老掌櫃東北菜館 (已搬遷) 新店位置

每次經過都見到好多人排隊，每次訂位都話要8點30分前交返張檯，不過就久不久就想黎食佢嘅片皮鴨，入面坐得非常擠迫但係都keep住要黎幫襯，就係呢間小店真材實料嘅現象。片皮鴨係必食嘅，我鍾意佢唔太肥，不過啲餅皮就麻麻哋，所以我次次都淨係食鴨唔食餅皮，留番啲quota食第二啲嘢。水煮魚都出色，啲魚片好滑，個辣又好有層次感，同出面一味死辣好唔同。另一絕係佢嘅油潑麵，精彩非常。佢嘅餃子亦都好食，好有北方特色。夜晚九點幾喺大角咀嘅橫街仍然要排隊果然係有佢嘅原因嘅。