影片
更多
2023-08-27
30 瀏覽
呢間位於屯門嘅門市，佢本身喺社交平台已經創辦左三年，好多熟客都嚟幫襯，出名靚湯，燉湯，雞湯，仲有素湯添！而家終於喺屯門開咗分店，有唔同種類嘅燉湯，仲有飯盒，性價比超高，好適合一啲年輕夫婦，無飯主婦買返去飲😋😋😋今次我就叫咗呢個二人套餐，加$20就可以轉燉雞湯，我就叫咗竹笙螺片燉烏雞湯，老闆娘話，如果拎返屋企，擺落冰格可以放10日，放喺雪櫃就可以放3日，我返到去就急不及待即刻熱嚟飲。味道好濃郁，一啲味精都無😋😋材料亦都好豐富，好多烏雞，大大片螺片，同竹笙，仲配上兩種小食，我分別叫咗沙薑豬手同滷水雞翼，兩個都炆得好入味，呢個價錢嚟講，性價比超高😋😋😋
張貼
