Red Lobster (Fashion Walk) (已結業)

工作辛苦決定奬勵自己要食餐豪d既，選擇了位於銅鑼灣Fashion Walk既Red Lobster。首先店舖的核心內圍同核心外圍都裝修幾靚，幾搶眼，D侍應服務態度也很好。入座坐了一會已經送上車打芝士鬆餅，個鬆餅好重芝士味，好好食。我地Order了幾款菜，當中有松露芝士焗蘑菇手工薄餅、帝王蟹 + 雪蟹腳同大蝦套餐。- 松露芝士焗蘑菇手工薄餅，都尚算唔錯，但又唔係話好出色。- 帝王蟹 + 雪蟹腳，勁好味，勁鮮味，尤其是帝王蟹，真係食到唔願停。- 大蝦套餐，呢個其實有d弱，裡面包括既飯都幾難食，個麵都唔太好，個油浸蝦同炸蝦都無乜味道，碟蔬菜更加係食左一啖就唔想再掂。其實都對呢間餐廳既食物有少許失望，除左個貴價的帝王蟹 + 雪蟹腳好食之外，其他菜式都唔太值個價錢，希望佢地可以改善下啦，畢竟座落係一個咁好位置，如果食物可以出色d，一定會更多人排住隊黎幫襯。