喜記路邊雞

營業中

休息中

行完朗豪坊同外國朋友唔知食咩好，唔想去再食煲仔飯，就選擇呢間路邊雞試吓，果然有驚喜！餐廳座位都算坐得舒服。茶夠曬熱，店員服務都好有禮貌。呢味椒鹽豆腐被外國朋友盛讚！外脆內軟熱辣辣，配上炸蒜，都只係$48！美味沙薑豬手（$58）就啱晒女仔食，加上麻油蒜蓉好香口豉油王鵝腸（$108）份量大，應該係新鮮鵝腸，芽菜底好鮮甜，鵝腸D脂肪多，唔想咁膩就要自己咬走咯。到了以「路邊雞」命名的餐廳名物（例牌$148），嫩滑不在話下見唔見到雞皮同雞肉之間的一層薄薄的啫喱嗎？😍😍😍 店主話我知佢地係文昌雞，啖啖肉，配上微鹹薑蓉，全晚添飯重點。到了最後的芝士牛油海蝦（$160）蝦呢樣嘢的確好睇時節，當晚就有點失色，無伊麵底情況下，芝士汁應該少D，不過還可以啦！兩個人食呢個份量應該真係會捧住個肚仔走，如果想飲兩杯，就叫少一兩個餸☺️☺️說實話，喺旺角餐廳林立既地方，「喜記路邊雞」性價比超高，會係我一個人/一大班人食飯之選。👍🏼👍🏼👍🏼無味精。