Season Oyster & Wine Bar (已結業)

本來餐廳有生蠔優惠，飲紅/白酒可以加$50享用生蠔。但因為友人唔飲酒，所以散叫。價錢都相當抵食，散叫精選生蠔每隻 $9，我地order左1打，如此價錢，真係性價比高。當中有2，3隻係比較creamy。再另加南非生蠔每隻$29，法國生蠔每隻 $39。味道方面個人認為2款銅味都唔重，肉質爽口，本來想食creamy口感生蠔所以有小小失望。南非生蠔海水味淡d，法國生蠔拎上手睇蠔殼已經知道肥美d、食落結實而呈彈性，有脆口感覺。整體呢間餐廳真係幾值得再去，但建議餐具上作出小改善，要提供細叉比客人食生蠔。煙三文魚沙律$58，有鹹香的煙三文魚肉結實，沙律菜又新鮮，配上黑醋沙律汁，作為前菜感覺很醒胃。黃金炸豆腐 $58，豆腐好滑，好正！美國安格斯西冷5成熟 $198，肉有粉紅色，但沒太多血水剛剛好，肉質腍身，有牛香味，另外薯角都好味，炸得好脆，薯仔飽滿。