影片
更多
2022-01-31
1881 瀏覽
一直以嚟都覺得串燒應該係喺夜晚配住啤酒嘅時候食，原來晏晝食串燒都一樣咁開心，最近同朋友喺幸福鳥食lunch，午市套餐性價比高又豐富，一邊食住串燒一邊傾計，幸福就係咁easy🤣• 幸之敍自由選串燒五點盛 $196我哋order咗兩個五點盛，所以total可以揀十串串燒！串燒款式都幾多，樣樣都想試吓，選擇困難症又發作🤣最後揀咗雞肉、免治雞肉棒、燒豚腩、雞軟骨、一口番薯、粟米、冬菇、極上牛舌心(+$28)、大虎蝦(+$38)同醬燒日本魷魚筒(+$78)，坐喺bar枱可以見到師傅燒緊我哋啲串燒😚極上牛舌心係我嘅心水推介，雖然佢有返咁上下厚度，但係咬落就一啲都唔韌，質感爽彈仲好香牛味添！另外醬燒魷魚筒大大份，燒得夠焦香，一樣值得加錢upgrade！成個set當然唔止串燒咁簡單，仲有前菜、麵豉湯、汽水同埋一個自選主食，今舖真係飽到癲🤣和風鰻魚丼(+$16)鰻魚大塊厚身，醬汁唔會死鹹，夠撈曬成個飯，16蚊抵加啦！幸福壽喜燒牛丼有齊牛肉、溫泉蛋、芋絲同豆腐，牛肉煮得好入味，不過私心鐘意多啲汁撈飯😛• 幸福炸雞 $28午市可以優惠價加配小食，炸雞一共四件，炸皮薄脆中間包住嫩滑多汁嘅雞肉，加少少檸檬汁可以
• 幸之敍自由選串燒五點盛 $196
我哋order咗兩個五點盛，所以total可以揀十串串燒！串燒款式都幾多，樣樣都想試吓，選擇困難症又發作🤣最後揀咗雞肉、免治雞肉棒、燒豚腩、雞軟骨、一口番薯、粟米、冬菇、極上牛舌心(+$28)、大虎蝦(+$38)同醬燒日本魷魚筒(+$78)，坐喺bar枱可以見到師傅燒緊我哋啲串燒😚極上牛舌心係我嘅心水推介，雖然佢有返咁上下厚度，但係咬落就一啲都唔韌，質感爽彈仲好香牛味添！另外醬燒魷魚筒大大份，燒得夠焦香，一樣值得加錢upgrade！成個set當然唔止串燒咁簡單，仲有前菜、麵豉湯、汽水同埋一個自選主食，今舖真係飽到癲🤣和風鰻魚丼(+$16)鰻魚大塊厚身，醬汁唔會死鹹，夠撈曬成個飯，16蚊抵加啦！幸福壽喜燒牛丼有齊牛肉、溫泉蛋、芋絲同豆腐，牛肉煮得好入味，不過私心鐘意多啲汁撈飯😛
• 幸福炸雞 $28
午市可以優惠價加配小食，炸雞一共四件，炸皮薄脆中間包住嫩滑多汁嘅雞肉，加少少檸檬汁可以降低油膩感😌
• 燒雞泡魚乾 $28
燒到脆卜卜嘅雞泡魚乾真係無法抗拒，食完一條接一條停唔到口🤤
張貼
