喜聚燒 (已結業)

今日朋友話想食串燒飲下野吹下水，即刻搵下油尖旺呢度邊度有串燒呀辣野既地方食下，就搵到呢間，見到位置都方便，即刻走去試。 喜聚麻辣滋補鮮烏雞🐥，真係唔好講笑，一野俾佢驚艷左。一般食開滑雞煲唔係咁既色同咁既味先，佢係烏雞所以係烏黑色同埋真係未見過係用鐵板上，創意度已經加晒分。平時食雞煲好易食一半就覺得又老又鞋，呢個唔會，好滑好好食。仲叫左個麻辣四姊妹，入面有蓮藕、淮山、萵筍、雲耳，呢4姊妹都唔錯😹😹😹爽爽脆脆，食完辣雞會有refresh既感覺。串燒又點可以唔飲返杯野呢，叫左杯馬蹄特飲，好清爽好fresh，而且好解膩，一定要叫。串燒 特別推介翠玉瓜同秋葵，都好juicy，唔會燒到老晒。仲有東風螺，超大隻♥️♥️♥️性價比唔錯既串燒店，值得一試！