影片
更多
2023-07-10
750 瀏覽
💁♀️💁♂️ 4/7/2023(Tue), Dinner🍽喺銅鑼灣偏離市中心少少嘅加路連山道附近都有唔少食肆，平時可能會比較少去到，記得A先生當年喺度學車時，就不停喺呢幾條街兜圈。今晚嚟到食晚飯之餘，又見到一大班學神喺度兜圈，又回想返當年學車嘅情景。而今晚我地order咗：🔆 牛筋腩麻辣撈麵（$70）撈麵可以選擇台灣麵、米線或者脆米粉，今次我哋選擇咗要台灣麵，黃色嘅麵條入口Q彈，煮得剛好。店方用上是滷得入味鬆化的牛𦟌，厚切的口感十分充實，入口又唔會黏牙。而帶筋的部位則腍而帶膠質的感覺。拌入麻辣醬之後，麻、辣得來夠刺激，伴住撈麵有一小碗滷水汁，可以按口味適量加入撈麵內去調味增鮮。🔆 炸燒賣3粒（跟餐+$10）燒賣炸得外脆內軟，再灑上椒鹽，食落鹹香好味，內裡嘅魚肉仍濕潤，唔會炸到乾爭爭。🔆 滷水雙拼（$48）可以喺唔同嘅滷水食品入面揀選兩款，今晚我哋就揀咗豬大腸同金錢肚。上枱時見到豬大腸同金錢肚都幾厚切，滷水味道醇香帶少少藥材味道，滷得入味又口感十足，而且份量都唔少，墊底有少少芽菜。豬大腸清得乾淨無異味，腍得來又有咬口；金錢肚同樣入味夠腍，食完唔會黏牙。墊底嘅芽菜吸收咗滷水嘅味道，入口都爽
💁♀️💁♂️ 4/7/2023(Tue), Dinner🍽
喺銅鑼灣偏離市中心少少嘅加路連山道附近都有唔少食肆，平時可能會比較少去到，記得A先生當年喺度學車時，就不停喺呢幾條街兜圈。今晚嚟到食晚飯之餘，又見到一大班學神喺度兜圈，又回想返當年學車嘅情景。
而今晚我地order咗：
🔆 牛筋腩麻辣撈麵（$70）
撈麵可以選擇台灣麵、米線或者脆米粉，今次我哋選擇咗要台灣麵，黃色嘅麵條入口Q彈，煮得剛好。店方用上是滷得入味鬆化的牛𦟌，厚切的口感十分充實，入口又唔會黏牙。而帶筋的部位則腍而帶膠質的感覺。拌入麻辣醬之後，麻、辣得來夠刺激，伴住撈麵有一小碗滷水汁，可以按口味適量加入撈麵內去調味增鮮。
🔆 炸燒賣3粒（跟餐+$10）
燒賣炸得外脆內軟，再灑上椒鹽，食落鹹香好味，內裡嘅魚肉仍濕潤，唔會炸到乾爭爭。
🔆 滷水雙拼（$48）
可以喺唔同嘅滷水食品入面揀選兩款，今晚我哋就揀咗豬大腸同金錢肚。上枱時見到豬大腸同金錢肚都幾厚切，滷水味道醇香帶少少藥材味道，滷得入味又口感十足，而且份量都唔少，墊底有少少芽菜。豬大腸清得乾淨無異味，腍得來又有咬口；金錢肚同樣入味夠腍，食完唔會黏牙。墊底嘅芽菜吸收咗滷水嘅味道，入口都爽脆好食。
🔆 滷水溏心蛋🥚（1隻）（$9）
一隻溏心蛋🥚切半，滷得入味而蛋黃夠流心，值得一試。
🔆 上湯浸蘿蔔（$35）
蘿蔔清甜入味，入口夠腍又無渣，配上帶滷水味道嘅湯，清清哋都唔錯。
🔆 蘋果雪梨雪耳（凍）（$28）
入口清甜滋潤，有唔少嘅雪耳、雪梨同埋蘋果肉，飲落更添豐富嘅口感。
🔆 凍檸水（跟餐+$4）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8.5/🔟
❤🙆♀️(為食妙妙)整體食評：8.5/🔟
👉🏻 每枱都有自家制麻辣油同自家制蒜辣醬各一，麻辣油麻、辣、香俱備，唔錯；至於蒜辣醬就不容錯過，辣得來又帶好香嘅蒜味，加點入食物真係提味不少，喜歡嘅仲可以成樽買返屋企嘆😋
👉🏻 滷水味道醇厚，性價比高
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車可能要考慮遠少少嘅維園泳池錶位🅿️或者時代廣場停車場🅿️
👉🏻餐廳都算位於銅鑼灣，港鐵站行過嚟大約10至15分鐘，尚算方便
🔆🔆🔆🔆🔆🔆🔆🔆🔆🔆🔆🔆🔆
張貼
