鳴門割烹料理 (已結業)

之前聽朋友講九龍灣附近有間幾抵食嘅日本放題，今次一於黎食下先🤪🔹90分鐘午市半自助餐 $268 每人可以叫一款主食，之後可以任食其他嘅食物！第一款嘅主食揀左7成熟嘅網燒安格斯牛扒，佢份量超多，真係好大碟。用燒汁燒成嘅牛扒，完全唔會又乾又硬另一款主食則揀選左蒲燒鰻魚丼，大大塊嘅蒲燒鰻魚真係好吸引！刺身方面選擇眾多，三文魚、八爪魚、油甘魚等等應有盡有⋯⋯刺身新鮮大塊，岩曬鍾意刺身嘅朋友們。炸物方面質量都唔錯，炸到金黃香脆嘅芝士年糕，咬落去外脆內軟，真係好正！多款燒物任食，最令我印象深刻係厚燒牛舌，超厚超大塊嘅牛舌真係一食難忘。